金莎 新詩三首

 吃金莎 做玫瑰 送給心愛喜雷伊

心愛收到心頭喜 目使卓卓滴

面紅拜勢公出喙 緣投的 我佮意

越頭走轉去 可愛那像花一枝

作功課 摺飛機 送給親愛父母𪜶

父母收到真歡喜 喙角笑微微

驕傲大聲講出嘴 乖囝吔 有才氣

將我攬落去 溫暖那像一出戲

讀經書 了生死 發願慈悲佛祖知

佛祖店店沒話語 電火金爍爍

親像給阮來指示 善男子 有志氣

會給阮扶持 心安證道有保佑